D Adväntszyt het agfange und es wunderschöns 2018 geit langsam aber sicher z’Änd. Normalerwiis wär iz ds Kollektiv Kellerklang flissig am Musigvideos veröffentleche. Wüu üs aber das Jahr d Stube und d Zyt fähle, hei mir für das Jahr ds Projekt Adväntskaländer schwären Härzens müesse la si. Drfür si alli vom Kollektiv chli a ihrne eigete Projekt, dir dörft nech fröie was aus no so uf öich zuechunnt. O ig bi witterhin a mim Züg dran. Nöii Gigs, Studiosessions und wyteri tolli Sache si in Planig. Meh Infos git’s zumne spetere Zytpunkt. Bis denn müesse di schöne Erinnerige a Gigs vo däm Jahr länge. Wär dr Uftritt ir Kleinkunstkabühne (Bild) verpasst het oder ne nomau möcht vor Ouge ha, het’s hie nomau zwöi churzi Videos drzue.

I wünsche öich allne e schöni Adväntszyt und gueti Feschttage!