Hallo Schwiz, nach laaanger Abwäseheit bin i ändlech wider zrügg!
Klar isch tropischs Klima und südländischs Ässä öppis grandioses, aber dür d Loubä vor Altstadt z loufe het genauso si Charme. I däm Sinn: Schön wider da z sii!
Und obwohl ig i de letschte Monet rächt bi ume cho, hani’s doch tatsächlech gschafft ungerwägs es paar Lieder z schribe. Es cha sy, dass i mi afangs Jahr mit Uftritte no chli zrügghaute, drfür stöh mehreri Projekt i de Startlöcher. Was scho mau sicher isch: Es chöme grossi Projekt uf öich zue. Me darf gspannt blybe…