Lang isch es ruhig gsi. A Gigs han i geng drüber gredet. Itz platzt d Bombe, es isch definitiv: Scho sehr gly erschint es nöis Album. Mys nöie Wärk heisst «Ornig mues sy», het si Ursprung in ere Schnapsidee z Sri Lanka (aso im Arrack) und isch z Bärn zum usgrifte Projekt worde. Stilistisch bewegt sech’s vom Rap wäg und geit meh is klassische bärner Chanson ine. Wyteri Infos chöme gly und d Plattetoufi steit vor der Tür: Am Donnsti, 30. Oktober wird ir Mahogany Hall touft. Und das grad dopplet, wüu mi guet Fründ Mike Baader releast am glyche Tag sini nöii Schibe «kes Problem». Beidi Albe erschine ä Tag später. Wiehnachte cha ypacke. So mues es sy. Ornig mues sy. Punkt.