In Zämearbeit mit mim Härzensverein Mundart Netzwerk wird ds nöie Projekt «Liederschmidi» is Läbe grüeft. Das Format richtet sech a alli (aktive und zuekünftige) Vereinsmitglider wo sälber Texte und Lieder schribe. Mir träffe üs regelmässig zum enang nöii und teilwys halbfertigi Lieder z präsentiere, Feedback yhole, nöii Impulse z becho und nöii gmeinsami Projekt la z entstah. Der Liederkreis wird im ne chlyne, private Rahme ohni Publikum düregfüehrt, e Konzärtreihe wo parallel derzue louft isch in Planig. Intressierti Liedermacherinne und Liedermacher dörfe sech gärn bim Verein Mundartnetzwerk (info@mundartnetzwerk.ch) oder diräkt bi mir (Kontaktformular Website) mälde.

Termine 2026 / 2027:

• Sa, 6. Jun 2026
• So, 30. Aug 2026
• Sa, 28. Nov 2026
• Sa, 27. Feb 2027
• Sa, 29. Mai 2027
• Sa, 28. Aug 2027
• Sa, 27. Nov 2027