Im Winter 2016 und 2017 het üses Kollektiv d Sessions im Advänt gmacht, womer mit diverse Künstlerinne u Künstler im Rahme vomne musikalische Adväntskaländer jede Tag e Track usebracht hei. När isches leider still worde um d Projekt vom Kollektiv Kellerklang. Mit de Sessions im Advänt chunnt ändlech wider es Läbenszeiche vo üs, wüu mir möchte üsi Sessions nid nume ufe Winter beschränke und Musigfründe o unbedingt mau im Summer öppis biete!
Di erwarte Jams, Cyphers und chlini Konzärt am schönste Fluss vor Wält. D Sessions a dr Aare wärde e spontani Sach sy und finde dr ganz Summer düre i unregumässige Abschtänd statt. Es lohnt sech dahär, regumässig bi «wyteri Musigprojekt» unger «Gigs» nach allfällige Sessions Usschou z halte. Dört fingsch o dr Link zum Lageplan.
Di ersti Session findet übrigens morn Namitag, am Friti 5. Juli statt. Aso schnapp dir dis Instrumänt, Sunnebrülle, Badhose und öppis für uf e Grill. Mir fröie üs uf dini Gsellschaft!