Dä Summer han i ds Vergnüege gha, z Frutige ir Sattelkammer es chlyses Konzärt dörfe z spile. A däm glungnige Aabe han i no e spannende Ustusch mit em Verastalter Peter Schmid vo Alpenland Events gha, wo mi när spontan i syni Fernsehsändig «Wir leben Musik» het yglade. Wäg däm bin i dä Oktober nomau nach Frutige gange, won i im Hotel Landhaus Adler nomau paar Lieder gspilt ha und es chlyses Interview ha dörfe gäh. Das Ganze louft der ganz aktuell Monet im Fernseh und cha zudäm uf der Website vo «Wir leben Musik» nachegluegt wärde. Merci vil Mal Peter Schmid sowie de Teams vo Alpen Events und TV Oberwallis!