D Coronawälle betrifft o mi, wäg dem wird d Acoustic Night vom 28. März ufne no nid definierte Zytpunkt verschobe. Öb wyteri Konzärt, wie bispilswis ds Troubadix, cha stattfinde, wird zumne spetere Zytpunkt mitteilt. Wäg em BAG blybt mir grad nüt angers übrig, aus uf Livegigs vorerst z verzichte und ds beschte us dr Situation …
CHANSONTAGE
Letscht Wuche hei während füüf Tage d ChansonTage Bern stattgfunde.I däm Rahme bin i am Donnsti zäme mit dr Misurina, em Raphael Nyffenegger und em Bobby The Kid am Songwriter Slam aträtte. Ig persönlech ha vil Fröid gha und e rise Erfolg dörfe verbueche, indäm dr Slam zu mine Gunste usgfaue isch – und ha …
TROUBA-TOUR 2019
Du! Es fröit mi risig, dass i das Jahr Teil vor grosse Trouba-Tour 2019 darf sy. D Trouba-Tour isch e Konzärtreihe vom Mundart-Netzwerk, wo verschidensti Liedermacherinne u Liedermacher i diverse Bars u Lokal z Bärn ihri Musig tüe präsentiere. Ändi Oktober spil’i i däm Rahme im Les Amis und im Lieblings jewils es lengers Set, …
SESSIONS A DER AARE
Im Winter 2016 und 2017 het üses Kollektiv d Sessions im Advänt gmacht, womer mit diverse Künstlerinne u Künstler im Rahme vomne musikalische Adväntskaländer jede Tag e Track usebracht hei. När isches leider still worde um d Projekt vom Kollektiv Kellerklang. Mit de Sessions im Advänt chunnt ändlech wider es Läbenszeiche vo üs, wüu mir …
ERFOLGRICHI UFTRITTE IN BRUGG
Ig ha’s tatsächlech gschafft usserhaub vom Kanton Bärn z spile – und das grad zwöi mau im wunderschöne Brugg: Am 7. Juni hani im Odeon dörfe are wytere offene Bühni spile. Bsungers gfröit het mi dört, dass mi d Jury ufe dritt Platz gwählt het. Vom ganze Alass git’s übrigens vo Kanal K none Radiobytrag: …
TUMULT IN KERZERS
Mys nöischte Lied «Tumult» isch ir Zämearbeit mit em ne Jugendtheater entstande. Ds Lied wird exklusiv im Rahme vom Theaterstück «Natur PUR» vo nüün junge, ufsträbende Künstlerinne und Künstler gspilt und gsunge. Aber o ohni mi musikalisch Bytrag handlet sech’s bim Projekt um es sehr empfählenswärts Stück. Ä Bsuech im Gerbestock z Kerzers lohnt sech …