Musig und d Aare hei di ungwöhnlechi Hitz i däm Summer meh als erträglech gmacht. Nach würklech tolle Konzärt in Wichtrach, Kofmehl und im Liebefeld Park si ändlech wider mal zwöi Festivals agstande: Ds Than Rock und ds Openair Solothurn. Abgrundet worde si d Summermonate dür wunderschöni Konzärt in Frutige und Bümpliz. Im Herbscht geit’s …
LIEDERSCHMIDI MIT EM MUNDART NETZWERK
In Zämearbeit mit mim Härzensverein Mundart Netzwerk wird ds nöie Projekt «Liederschmidi» is Läbe grüeft. Das Format richtet sech a alli (aktive und zuekünftige) Vereinsmitglider wo sälber Texte und Lieder schribe. Mir träffe üs regelmässig zum enang nöii und teilwys halbfertigi Lieder z präsentiere, Feedback yhole, nöii Impulse z becho und nöii gmeinsami Projekt la …
WAS MACHE MIT LIEDER US DE TROPE?
Voller Dankbarkeit lueg i zrügg ufs alte Jahr: Die Müglechkeit, es nöis Album dörfe z ufnäh, mit vilne tolle Lüt z toufe und so vili positivi Rückmäldige z becho, macht mi eifach nur glücklech. Merci öich allne! Mis nöie Album «Ornig mues sy» het übrigens si Ursprung nid, wie me vilech dänkt irgendwo imne Egge …
«ORNIG MUES SY» ISCH DA!
Mys zwöite Album «Ornig mues sy» isch geschter touft worde und isch der Wält frei zuegänglech. My nöi Schybe hout wi aakündet i d Cherbe vo de altehrwürdige und de nöizytleche Troubadoure vo Bärn. Ds Album het 11 Lieder und isch uf myre Website u allne gängige Plattforme z ghöre. I wünsche öich allne ganz …
NÖIS ALBUM, PLATTETOUFI IR MAHOGANY HALL
Lang isch es ruhig gsi. A Gigs han i geng drüber gredet. Itz platzt d Bombe, es isch definitiv: Scho sehr gly erschint es nöis Album. Mys nöie Wärk heisst «Ornig mues sy», het si Ursprung in ere Schnapsidee z Sri Lanka (aso im Arrack) und isch z Bärn zum usgrifte Projekt worde. Stilistisch bewegt …
MOMOU, ES LOUFT EINIGES
Es chönnt dr Ydruck entstah, dass sit mire Rückchehr id Schwiiz musikalisch nüm viu louft. O we sithär ke Byträg si cho, so isch einiges am Passiere: I ha ir letschte Zyt ds einte oder angere Konzärt gspiut, dört hani etlechi nöii Lieder vor Publikum usteschtet. Wäg däm bini momentan immer wider chly im Studio. …