I de letschte zwöi Jahr isch bi mir ja nid sooo viu gloffe, aber i de letschte paar Monet hani derfür hurti Vougas gäh: Unter anderem bini offiziell Mitglied vom Mundartnetzwerk, ha ir Mahogany Hall dörfe spile und ha es umfangrichs Album veröffentlecht.

Itz chönnt me meine, dass i voll tue dürestarte: Promo hie und da, mini Bire ir Zytig, mini Stimm im Radio und ab uf Tour, dass i mys Album agmässe cha zelebriere. Aber nei, das alles hani nid im Sinn. I blybe gärn wyter bescheide und möcht momentan o wyterhin ungerem Radar flüge. Klar wird i aber mis Album no toufe und i de nächste zwe Monet no hie u dört chly spile. Du bisch härzlech yglade, chum vrby – wüll es wärde di letschte Konzärt i däm Jahr sy. Lueg unbedingt bi «Gigs» ine, wenn u wo mi no live chasch ghöre. I fröie mi uf di!